صلاة الصبر
هاني مهران
دايماً ..
بيعدي الليل جوايا
قبل ما ييجي الليل للناس
كان دايماً ييجي وبينبهني
ما تفكرش
أصحاب الفكر بيتاخدوا إلى عالم تاني
ودايماً بحلم بالأول
دايماً بتوضَّى وبتحضَّر لصلاة الظهر
من قبل أما أسمع حتى ف نفسي
أذان الفجر
***
والليل ييجي
ويفرق لونه لكل عيون الخلق
تنام
إلا عيوني
دايماً بتفكر في الإضراب
وبتحسب كل دقيقة فـ حلمي الجاي
فاتْحضَّر من قبل ما حد يقولى
حان الآن
صلاة للصبر
