ليلى2
لمياء محمود
ليلى مشكلة .. علموها حاجات كتير غلط
محدش علمها لما تعيط تكون في حضن ، علموها تدخل الحمام وتقفل الباب عليها كانت المشكلة كمان إن جدتها بتخاف عليها لـ عفريت يلبسها فكانت تزعقلها وتقولها اطلعي ولأنهم علموها إن العياط راحة والحمام بيت الراحة ولأنها ما بتحبش تزعل جدتها بطلت تعيط أصلاً
محدش علمها تقول إنها محتاجة حنية ، علموها إن الحنية دلع وهي ما بتحش الدلع المرئ فلما كان حد يبقى حنين عليها كانت تجري واما اكتشفت ان الحنية دي حاجة حلوة كان كل الناس اتعلموا يخافوا يبقوا حنينيين معاها .. والحنية ما بتتشحتش
محدش علمها تعاتب .. علموها إن اللي يزعلها ندل وعتاب الندل اجتنابه فبقت تزعل أوي وما تقولش وتفضل تضحك .. تضحك م الزعل فتبقى كويسة ومحدش بيصالح حد كويس
بعد ما علموها .. علموها إن الدنيا فانية وهي عرفت إنها فـ الدنيا ملهاش نصيب فـ حضن ، ملهاش نصيب مـ الحنية ، وملهاش نصيب لا م العتاب ولا مـ المصالحة
فيه حاجات مش مصروفة ليها
.....
