كنت أيـــــــــــــــــه ؟؟؟
هالة فتحي
السؤال ده بيطاردني ... لو هـ نزعج حضرتك
كنت انا ايه فـ سكتك ؟؟
عمري ما لمحت المضايقه لما كان حواليك كلامي
و لا شوفت ضمير بيتعب لما اصرح له بـ غرامي
بس ليه يحلا اتهامي
لما باسأل .. كنت ايه ؟
كنت ايه
كنت في السكه اشاره ترشدك امتى الوصول
و لا منديل بيه بتمسح دمعتك وقت النزول
و لا ضحكه تسلي وقتك بس مشروطه بقـــبول
كنت ايه
كنت لما تعوز تقرر أبقى تأييد للقرار
و اما حد أهم يظهر أتركن مالي اعتبار
كنت وقت الجد ( نكـــته ) شيلتها لوقت الهزار
كنت ايه
كنت طول الوقت عندك أجوبه من غير سؤال
الــــتزام خانق رقبتك فاق حدود الاحــــتمال
رغم عمري ما يـــــوم طالبتك أبقى رهن الاكتمال
كنت ايه ؟؟؟
ما تجاوبـــني ... سكتت ليه
أوعدك بعد الاجــــابه ... أختفي زي الغروب
بس و حـــياتك أمانه .... تاني ما تجّـــــرح قلوب
