إنـــــــــدهاش ...
هالة فتحي
ما تــبالغش في وصف حالة الإندهــــاش
ما تجادلش قي أمر مش محتاج نقــــاش
و ما تعاندش ... تقول ده جاي
لأن علامات التاريخ بتقول بـ عنف انه : ما جـــــاش
.
كل أيامك ما كفتـــش انها تبقـــاله تاج
و الدموع فشلت بـ قوه تكون سفير للإحــــتياج
عله مش لاقيه العـــلاج
حب و برغم المعارضه لسه باقي و ما انتهـــاش
حاله .. زي حالات كتيره ... مش مثيرة إندهاش
.
عادي لما الدقه تسقط قبل ميناء الوصول
و العيون نظرتها تدبل قبل ما تلاقي القبول
عادي ... لما تمد قلبك بـ السؤال
و الاجابه تيجي صارخه ... تيجي جارحه ... : مين يطـــــول
رد فوق حد الذهول
بس آدي الحب عافر لما عاند لما عاش
عادي برضه مش حكايه .... ايه لزوم الإندهاش ؟
.
مختارين نمشي الطريق دايما في عكس الإتجاه
محتارين بين قلب واعي و قلب من قسوتكوا تـــــاه
عشمانين الحب يفضل ... باقي على قيد الحياه
.
يبقي ليه الاندهاش
لما نور بكره معاكم شــــدنا زي الفراش
و الليالي حالفه تسكن حلمها اللي ما ابـــتداش
و اللي قــــال لـ عــــيوني : لأه
بإختصـــار ..... ما سمعــــــتهاش
