حبات مطر بتردد الدعوات
حبات مطر بتردد الدعوات
قبل اشتعال القلب
ف اللحظة المثيره
بعد انصهار الروح
على جبل الحياة
كانت عناصر الدهشه
اللى رسمت
خط التقاء الحلم
فوق سطح المشاعر
وقت انجذاب
نسمة مشاعر
والتقائها بنسمه تانيه بتعدى الطريق
كانت المفاجأه
هى وحدة الاتحاد
ربطت قلوبهم
على نجمة الحب
اللى ياما اتعودت
تسمع حكاوى المحرومين
فتلم حكاويهم
وترميها فى حضن السما
وتأمن عليهم بالدعا
تنفجر حبات مطر
بتردد الدعوات
