شاري بقلبي و روحي و عمري
هاني آدم
شاري بقلبي و روحي و عمري
مش مستني عنيكي ينادولي
أصلي عارفهم لما بيبكوا
وعارف برضه اما إبتسمولي
مجنون اللي يفكر نفسه
هيقدر يسكن جوه ضلوعك
أنا مستعمر جيش أبياتي هيسحق أي عيون بصولك
قلبي شراع في رياح خماسينك
رافض يوصل شط نجاه
والأمواج لو هتموتني
هأموت في بحورك أحلي حياه
ٱمني بديني
وخدي دواويني
مهر رضاكي
و عهد وفاء
مش هأسمح للدنيا تاخدني
و تقتل حلمي
و تطفي ضياء
حلمي اختارك تكوني بطلته
و إشتري حبك بالغفران
أهلا بالموت لو تتخلي
وتكرهي ضمي في عشقك داء
