متبكّيهاش ..
متبكّيهاش ..
و ان يوم لقيتها مدمّعه
مدلها حضن و ايد وصوت ..
يسألها مالك فيكى ايه ؟!
حولها ورده ملونه ..
تمسح دموع عين البوكيه
إرسملها الأيام أمل ..
و إحلم بـ بيت و إحلم لها
و إديها وعد تكون معاك
مهما يكون و تكون لها
إسمعها لو حبت تقول
و إن زاد سكوتها أستوعبه
البنت قلب بتكسبه ..
أول ما تعرف تحتوى ..
البنت مخلوق " معنوى "
محتاج يتشاف بعيون بتحس
بعيون بتدقق أوى و تبص
فبلاش تتسبب فـ بكاها ..
وانسالها و بطل تنساها
البنت دى عالم و متاهه
وهتوصلها لما توه بس !
