ماتصدقوش النكت
وليد الاسيوطي
ماتصدقوش النكت ..
ماتصدقوش الضحكة في عيون الليالي ،
ماتصدقوش كل القصايد والأماني !
ماتصدقوش برضه الاغاني ،
ولّا الكلام ، لو تلمحوا بسمة في شفايفه
انا لسه شايفه .. ،
بينتحب جوا الميدان !
سايلة الدموع من بين حروفه ،
راسم بخوفه ع الحيطان .. ،
......
خايف لننسى الدم ،
كاتب جوابه للزمان ،
اسم الشهيد ويّا الشهيد ،
حافظ هتافهم والمكان
حافظ دماهم صم !
فماتصدقوش الكلام ، لو تلمحوا بسمة ف شفايفه
ده بس بيداري الهم !
.،
