ورجعت تانى ريما
ياسمين الشاذلي
ورجعت تانى ريما
لعادتها القديمة
والقلب كمان بيعزف
جروح ويعيدها تانى
كل البدايات جميلة
كل النهايات مريرة
و اللحظات الكتيرة
بنعديها في ثوانى
حدوتة مش بتكمل
ولسة الجاية أجمل
بنعشم نفسنا
جبر بخاطر ماضينا
ونزرع في الأمل..
لسة الرصاص بيغدر
وبيحكى اللي حصل
كل الصحاب مفارقة
كل الوشوش مسافرة
والفرقة بقت وطن
من توب أميرة النادى
عدت شيماء كمان
مينا وجيكا وعماد
فاطمة وسالى زهران
والسبحة سايلة دم
مفروطة حياتنا ليه
وبندفع في التمن
وياريت في فايدة واحدة
اخرتها بنمتهن
ورجعنا لريما تانى
تشيل وتحط فينا
لا هى بتستحى
ولا مرة بتشترينا
