زي مايكون سر
أحمد سليمان
عاوز اقولك سر
بحبك حياه
معرفنتش اعمل زيهم واربط الحب بالموت
انا مابموتش غير من غيابك
ازاي يعيش الضل من غير صاحبته
ونور حبك الي بيرسمني ع الاسفلت
رقصه من فرح لو تضحكي
عاوز اقولك سر
عنيكي نفخه الروح جوا تمثال من حجر
علي شكل قلب
فابان بشر
وكل الاشباح والطيف اللي بيشبهني
يتوحدوا
لو شفايفك قرروا يشقوا ريق عطشي
بكلمه حب
نفسي تصومي عن رؤيتي من غير ماموت
واستني صوتك من بعيد
علشان يعيدني للحياه
