..............اللحظه عايش............
محمد بلال طه
انا العايش
علي السلم
وبتشقلب
علي حبل اني اعيش
مستور
ولما احب اتعافي
واقول اقوي
الافي الدنيا
وخداني علي رقبتي
وكسراني
ورسماني بلون ابكم
يزيد سني
وانا الواقف علي لحظه
يبان عجزي
يزيد عجزي
يتوه نفسي
فبتباها بلون كفني
وانا العايش بلا ملمح
وبتشقلب علي حبل
اني اكون مستور
......
الحزن مدفون ف الحشا
فبيسيطر علي اللحظه
ويغريني
بكام حدوته مبتوره
بتندهلي
تغيرلي
محيط شكلي
وتبعدني عن القصه
وترميني في ميت موضوع
انا الموجوع
في احلامي
انا المحدوف
في دوامة اكون نفسي
فبتخبط في ميت خطوه
تكتفي بقيد غربه
وتحدفني
في زحمة عيد ماتعرفنيش
تشقلبني
في لعبة حجله
يغلبني غراب البين
انا العايش في توب
واحد
يضيق بيا
ويشنقني
علي حبل اني اموت
مستور
