أنا الشهيد
أرضي ترابها رويتي بدمي
وطني فديته بأغلى ما عندي
صوت هتافي عالي مدوي
أقوى من ضربي للمدفع
عشت أيامي بدافع عنها
و لصد الظلم من روحي انا بدفع
اوعو تنسو زمايلي كمان
ماتوا عشان يحموا الأوطان
واقف خدمة في عز الليل
و بصد عدوي وراعبه يا ويل
ياويله اللي يقرب من وطني
هيلاقي أسود عاملاله عرين
أنا مت عشان تبقوا عايشين
و تحسوا الأمن في عز الموواويل
القبر منور مفيهوش عتمة
ودعاكم ليا بيوصل بالفرحة
أنا عارف ان دمائنا أبية
و زمايلي هياخدوا التار بعديا
خوفي رميته بعيد ورا ضهري
و مكانه سلاحي و دمي بيفدي
أمانة عليكو هوصيكوا وصية
أهلي وناسي غالي عليا
أحموا بلدنا وانسوا الفرقة
وحدتكم بتقوي قلوبنا
كنت بحارب وحدي في سينا
وناسي ورايا بيشدوا اديا
أناا روحت خلاص و معايا زمايلي
ودعنا دنياكم ديا
مالقوش مني غير حتة قايش
و معاها حديدة بتحمل إسمي
يمكن لو كنت أنا عايش
كنت هخاف أكتر ما انا خايف
