أنا اسوأ مبنى ف هذا الحي
كل العصافير بتخاف منى
العادى
إن القمح أسمر
و المطرة ب سُكْر ع الساكنين
طب ليه العصافير خايفين
مانا أسمر
و عينيا الدمع بتاعها عسل
بيلم السما على نص رغيف
محبوك الشارع على وشى
كل العصافير بتخاف منى
العادى
إن القمح أسمر
و المطرة ب سُكْر ع الساكنين
طب ليه العصافير خايفين
مانا أسمر
و عينيا الدمع بتاعها عسل
بيلم السما على نص رغيف
محبوك الشارع على وشى
و واسع تخاطيف
تواشيحه جميلة
و لبسانى
بنزف منها
زى السما ما بتنزف نخل
عينيها عيون ربنا ف الارض
و جوفها ملاذ م البرد
ان شافها الورد ,بتخجل
و بتطرح فجأة من الاسفلت حجاب للناس
و إن كبرت
يا تبوسها العصافير
يا البحر ياكلها
و المية تشد لجوفها الخلق
-و تسيبك-
و تزق عليك البحارة يفرشوا روحك بالملح
و تهز عليك النخل
و تحط ف كفك دم مسيح
ونَّاس
مغلوب على أمر الناس
والناس تماسيح
و الحاجز بينا ضريح ف الشمس
المطرة سهام مرشوقة ف عمرى
ف اختارلك سهم
و انزل على كتف الحوت عريان
الخيرة ما بين الموت و شفايفك
طريقين
غرناطة بتلعب نرد ب روح البنى ادمين
و عينيها التين بتهج
و الضلمة وهج بالطير
الحى قديم م التفكير
وانا لسه بلم الشمس جدايل
عصافير الدنيا ملاها الزهد
و ملونى الناس
و انا مبنى ضعيف الكتف
إن كنت جدير ب الضى
اتهجى الموت
و إن كنت شجر ف ارتاح
الغضن براح للرد
انا اخر بيت تبنيه الرحمة
و يهده الوقت
#
تواشيحه جميلة
و لبسانى
بنزف منها
زى السما ما بتنزف نخل
عينيها عيون ربنا ف الارض
و جوفها ملاذ م البرد
ان شافها الورد ,بتخجل
و بتطرح فجأة من الاسفلت حجاب للناس
و إن كبرت
يا تبوسها العصافير
يا البحر ياكلها
و المية تشد لجوفها الخلق
-و تسيبك-
و تزق عليك البحارة يفرشوا روحك بالملح
و تهز عليك النخل
و تحط ف كفك دم مسيح
ونَّاس
مغلوب على أمر الناس
والناس تماسيح
و الحاجز بينا ضريح ف الشمس
المطرة سهام مرشوقة ف عمرى
ف اختارلك سهم
و انزل على كتف الحوت عريان
الخيرة ما بين الموت و شفايفك
طريقين
غرناطة بتلعب نرد ب روح البنى ادمين
و عينيها التين بتهج
و الضلمة وهج بالطير
الحى قديم م التفكير
وانا لسه بلم الشمس جدايل
عصافير الدنيا ملاها الزهد
و ملونى الناس
و انا مبنى ضعيف الكتف
إن كنت جدير ب الضى
اتهجى الموت
و إن كنت شجر ف ارتاح
الغضن براح للرد
انا اخر بيت تبنيه الرحمة
و يهده الوقت
#
