كنت مستغرب أن مش عارف أكتب عن الثورة لحد ما أكتشفت أن الوضع مش محتاج لكتابات جديدة
أهداء الى كل الثوار وخاصة شهدائنا
قصيدة إبن الأله
قلت السلام ف الأرض حق
والحب حق
والقوت قِسَم
والحكمة مش طول الأمد
الحكمة تحقيق الغرض
أيوه الأمانة متعبة
بس الدموع الطيبة
سكة نجاة
لو تسرحوا.....
أجيال على شر البلا
راح تتولد
كان الجِزا إني اتصلب
أنا مش رسول....
علشان أعيش التجربة
أو إني أمنحكم خلاص
يا موهمين بالقول هبة
لجل الخطايا تتمحي
أنا زيكم
كان نفسي اعيش
بس الحياة
رافضة نكون زي الخيال
والحلم تاه
بين القدر ..والاحتمال
يا مخدوعين
إبن الإله
عمره ما يمنح حياة
مقدرش يضمنها لجسد
منحول علي سفح الوجع
فوق الصليب
نادى علي رب الخلايق كلها
إوعاك تسيبني للألم
مين يدّعى
إنه عشانكم اتصلب؟!
أنا مش رسول
أنا حلم لساه ما اكتمل
حتي النهاية مبهمة
بس الأمال متعلقة
فوق الصليب
