"مفتتح"
أخر كلامنا قبل الوداع هُدنة
أخر ندا لأسامينا فوق مَدنة
أخر حضن كان محتاج سندة
قلوب العاشقين بتحتاج حد أدني
أخر كلامنا قبل الوداع هُدنة
أخر ندا لأسامينا فوق مَدنة
أخر حضن كان محتاج سندة
قلوب العاشقين بتحتاج حد أدني
"النص"
سارحين أنا وإنتي في حضن الليل
سارقين أوجاعنا نخبيها
وتبان حكايتنا ما بين عاشقين
أسطورة عشق أنا بحكيها
سارحين أنا وإنتي في حضن الليل
سارقين أوجاعنا نخبيها
وتبان حكايتنا ما بين عاشقين
أسطورة عشق أنا بحكيها
هيقولوا عليّا دا كان كداب
راوي أشعار هو قاريها
محتوي أفكاره تملي كتاب
أحلام مكسورة يتوه فيها
راوي أشعار هو قاريها
محتوي أفكاره تملي كتاب
أحلام مكسورة يتوه فيها
هنقول حكايتنا بأشعاري
بس أوعي يكون غيري بطلها
خيرتك دايمًا فـ أختاري
يا أحكيها بإسمِك.. يا أبطلها
بس أوعي يكون غيري بطلها
خيرتك دايمًا فـ أختاري
يا أحكيها بإسمِك.. يا أبطلها
كنت في غضبِك ببقي طوفان
وفـ وجعك بكون مِينا ومَرسَي
تِقسِي عليّا أقول غلطان
وبلمسة إيد أهدَي وأنسَي
لأمتي هدور زي الراوي
مش لاقي نهاية للقصة
وفـ وجعك بكون مِينا ومَرسَي
تِقسِي عليّا أقول غلطان
وبلمسة إيد أهدَي وأنسَي
لأمتي هدور زي الراوي
مش لاقي نهاية للقصة
قصتنا بتحكي كتير عنِك
بتمِيل الكفة فيها يَمِك
كُنت شُريان ساري فـ دَمِك
وشط وموج ساعي فـ يَمِك
وكنت أمير في طابور العيش
حراسي العوزة وقولة الآة
ودليل عِميان وكمان درويش
من كُتر القسوة أتجن وتاه
بتمِيل الكفة فيها يَمِك
كُنت شُريان ساري فـ دَمِك
وشط وموج ساعي فـ يَمِك
وكنت أمير في طابور العيش
حراسي العوزة وقولة الآة
ودليل عِميان وكمان درويش
من كُتر القسوة أتجن وتاه
أنا شيخ وفلاتي وعربيد
من نِن عيونك أتوه وأسْكَر
أنا حُضن وحضنِك بالأيد
علي لحن حزين وضِلع مكَسْر
لأمتي عيوني هتبكي جراح
ولأمتي هنام وأنا متحَسْر
من نِن عيونك أتوه وأسْكَر
أنا حُضن وحضنِك بالأيد
علي لحن حزين وضِلع مكَسْر
لأمتي عيوني هتبكي جراح
ولأمتي هنام وأنا متحَسْر
بقيم طقوسِك بدموعي
وبتضحك عيني ضِحك فُراق
وبـتمَنَي تشتاقي لـ رجوعي
وأرجع وأبكيلك وأنا مشتاق
وأديني بدور ومش لاقي
متعلق فـي حبال الأرزاق
وبتضحك عيني ضِحك فُراق
وبـتمَنَي تشتاقي لـ رجوعي
وأرجع وأبكيلك وأنا مشتاق
وأديني بدور ومش لاقي
متعلق فـي حبال الأرزاق
يا عاشقين الصَبر سامحوني
أنا صَبَرت الصَبر لحد مَمَل
ببيع للناس الضِحك بلاش
والدَمع لـ عيني صار مُحتَل
لأمتي يا غالية هتنسيني
تسبيني لغيري أعيش وأنذَل
أنا صَبَرت الصَبر لحد مَمَل
ببيع للناس الضِحك بلاش
والدَمع لـ عيني صار مُحتَل
لأمتي يا غالية هتنسيني
تسبيني لغيري أعيش وأنذَل
بحلِف عليك بقهري
وسهري
وعيشة المُر إللي عايشها
لو صَعب عليكي أقيم ضَهري
سامحي الروح علي طيشها
يمكن أجيلك يوم وأطوف
علي بابك وأنا مسكين رحَال
أو يمكن أفتح عيني وأشوف
حضنِك ملهوش سكاكين وأغلال
وسهري
وعيشة المُر إللي عايشها
لو صَعب عليكي أقيم ضَهري
سامحي الروح علي طيشها
يمكن أجيلك يوم وأطوف
علي بابك وأنا مسكين رحَال
أو يمكن أفتح عيني وأشوف
حضنِك ملهوش سكاكين وأغلال
بحلف عليكي بحبي
وقلبي
ودمع الحياري في لياليكي
لو غالي عليكي..
أفتكريني
ولو دمعة دايرة في عنيكِي
وقلبي
ودمع الحياري في لياليكي
لو غالي عليكي..
أفتكريني
ولو دمعة دايرة في عنيكِي
بحلف عليكي بالتوهة والضعف..
وقلة حيلتي
والضِلع المَتنِي في جنباتي
لو حسيتي في يوم بروحي ..
وشيبتي
أرحمي التايهين زي حالاتي
أنا مش جاي عليكي اليوم..
وألوم
أنا بس فكرتك بالآتي
أنا نفسي نكون أتنين سارحين
في حُضن الليل لوحدينا
وتكون حكايتنا ما بين عاشقين
أسطورة عِشق أنا بحكيها
وقلة حيلتي
والضِلع المَتنِي في جنباتي
لو حسيتي في يوم بروحي ..
وشيبتي
أرحمي التايهين زي حالاتي
أنا مش جاي عليكي اليوم..
وألوم
أنا بس فكرتك بالآتي
أنا نفسي نكون أتنين سارحين
في حُضن الليل لوحدينا
وتكون حكايتنا ما بين عاشقين
أسطورة عِشق أنا بحكيها
