سكة سفر
مرسومه فـ بداية الطريق
تصوير بطىء
درويش بيسهر يفتكر فـ الذكريات
عيل بيلعب جوا خانة اليَّك مات
(1)
عيال كتير متجمعين
فاردين اِيديهم للسما
الجرح متجمد أوى
والحُزن فـ عينيهُم نمّـا
مِستنيين المَطره تنزل ع الايادى فـ يرتووا
والشوق يدوب
او يغسلوا الحُزن اللى عشش فـ القلوب
(2)
وسط الطريق
اتنين حيّارى اِتجَمعوا
واحد بيحكى فـ قِصتُه
والتانى قرر يسمعه
فـ يدمعوا
ويضموا بعض بشوق اوى
..ويودعه
(3) بنوته ماشيه
بتُقطف الورد اللى يدبل فـ الطريق
وتوزعه ع المجروحين
من غير كلام
أسباب كتيره للجراح بتئوول للوجع
اولها قلة لـ أهتمام
(4) واحد بيصرخ مـ الألم
منكوش شويه أو هدومه مقَطعه
يمكن لُه حد قريبُه مات _
يمكن وحيد وبيفتكر فـ الذكريات _
يمكن ماعوش التذكره اللى ترجَعُه _
!!! يمكن وحيد ....يمكن مريض ...يمكن ماعوش !!!!
لأ ده هيموت مـ الشَجن ....
أى شجن هذا اللى يعمل فيه كده !!! ؟
..!ماسك علم
!!...شايل كفن
مكتوب عليه بالدم
" قلبى العليل ميّت هنا اِثر الأصابه بالوطن "
#منى_ناصر
