ازاي امد النص علي اد روحها
لو علية انا كنت ابوحها 3 مرات
انا محتار مبين الحضن والسلامات
بعيط كل ما تخيل هايجيي اليوم
واقول انا كان...
وعشا يكون الشعر .. كانت
فاكتبت واحترت فـ النية
أنا هكتب أيه لو مفيش فـ الدنيا ... هي
حضنتها ميت مرة في قلب النص
ولسة مافيش دفا وامان
حضنتها وشيلت البص م الاركان
ولسة خيالي كله عيون
كأني خواجة الاوطان
ولسة خيالي مليان بص
وخروج النص من حلقي اكبر دليل علي نقص نص
انا اللص حرامي اللقطة والتفاصيل
حرامي صواركو والمشاويرو
وياريتني حرامي الروح
انا مشتاق انوح وانوح
انا مشتاق ضلوع تانية
و " هي " جديدة
وامانة تقولو لعنيها مانتيش قصيدة
وطالما لسة الشعر جنبي
أكبر دليل إنك بعيدة
مابين الشعر وعنيها
روح وجسد
وعشان النص يحكيها
محتاج لكاتب برة القصة خالص
ويا حبيبتي أنتي القصيد
أو أنتي من غير روح
أنتي القصيدة مؤلمة
وأزاي يجيلي بوح
أكتب حبيبتي ميتة !علي كام سطور
مين اللي قال الشعر نور
الشعر ضلمة وقصاد عنيكي يكون حرام
وازاي اكون عاشق كلام
وازاي يجيلي وش نتقابل
وازاي يجيلك قلب نتباعد
ولو حتي بعد وقت بعيد
دا الخجل محبوس في وشي
من ساعتها حبس
وانتي عيد
وحبيبك ماعندو لبس
