وبفتح صورتي يوميا
وبسال نفسي بس سؤال
ملامحك فيها مني كتير
لكني بقيت غريب الحال
بشوف وشك حزين دايما
عيونك مليانيين بالخوف
كلامك كله مترتب
ف جمله عادي كله ظروف
نسيت نفسك نسيت شكلك
وحاطط قفله لمشاكلك
بقيت محتار ف كل قرار
بيتاخد
ووشك لسه لونه اصفر
ومتاخد
تخاف الليل يعدي عليك
عشان الذكري بتزورك
وبتوه ف اي كلام
وعايش دور مهوش دورك
بقيت مغموم تقوم م النوم
وتهرب وسط أي زحام
غريب الحال عشان طبعك
بيتغير
ويوم ورا يوم
بتفتح تاني ف الألبوم
وبتكلم ف نفس الصوره يوميا
وتسأل بس هو سؤال
ملامحك فيها مني كتير
لكني بقيت غريب الحال
