مصر راجل
عمر مصر ما كات هفيه
مصر راجل مش وليه
والوليه مش هفيه
بس يعني ضعيفه حبه
مصر كلمه جوه منها
ألف كلمه
مصر قوه بصوت ولادها
عمرها ما ينخ عودها
مصر مش حبه كراسي
فوقوا حبه يا شعب آسي
مصر مش حبه شوارع
مصر مش حبه مصانع
مصر مش حبه دقون
مصر مش حبه فنون
مصر حاجه غريبه فينا
مصر احمد ويا مينا
مصر دوله مش ولايه
والجيوش ال ف خيالكم
كات حروبها ضد دينكم
فوقوا حبه من غبائكم
وانت مين علشان تكفر
انتا يا ابن الكلب منظر
واحنا مش ممكن نخاف
احنا صوتنا صوت هتاف
اقتلوا احمد ومينا
واقتلوا فاطمه ومرينا
فجروا كل الجوامع
فجروا كل الكانيس
البيوت دي ليها حارس
واحنا برضوا يد واحده
مهما يحصل مهما يجرى
يد احمد ويا مينا
مش هيهدى الحب فينا
مش هيخرج حب مصر م القلوب
احنا مش عايزين كراسي
احنا مش عايزين فلوس
احنا مش عابدين لسلطه
لجلها ماتت نفوس
والسلاح ال ف ايدينا مش مدافع مش قنابل
احنا صوت الحق فينا لو تموت كل السنابل
السلاح ال ف ايدنا انكسارنا لأمر خالق كل حاجه
الايمان بالمولي وحده احنا مش معنى السذاجه
احنا لينا عقول نفكر
مش حمير كفار بدين
وانتا مهما قدرت هقدر بإذن رب العالمين
