إعلان

الرئيسية » » انا نفسي أكون | محمد محمد

انا نفسي أكون | محمد محمد

Written By Unknown on السبت، 27 يونيو 2015 | 1:09 ص



انا نفسي أكون 
شاعر مشهور 
لايكاته كتير 
وكلامه خطير
يكتب بوستات
وملوش ف الشات
يتنك علي كل الدنيا
انا قاصد خير
وبحب الغير
بتشعلق في الجمله شويه
وبحاول اكتب واجدد
وافتح مواضيع
انا شكلي هضيع
بوستاتك ناقصه الحنيه
والبوست مابيجبش ال100
طب هعمل ايه
والحل يابيه
دا كمين انقح م الداخليه
راح اقولك رأيي وببساطه
افتح شاتك
كلم ف الناس
صاحب اكتر
خليك حساس
أتعرف علي سوما وروكا
وإيمان وولاء
واوعاك تضايق لو مره
قلبت بغباء
هتلاقي بنات داخله تقولك
قشطه ياحبوب
وهتبعت جمله رومانسيه
ومعاها قلوب
سيطر ع نفسك واتماسك
واوعاك تقفش او تتضايق
خليها تكمل براحتها
وقولها ياكيوط
وف مره هتلقي كمان واحد
داخل بيقولك صبح يازميل
ماتحط البوست دا عندك
واعتبره جميل
وتنطش تكست متردش
ويقولك اه شايف نفسك
وبيطلع يكتب بوست فخيم
ويسبك ويشوه صورتك
قدام الناس
آل ايه عامل فيها شاعر
وكمان حساس
انا نفسي أكون شاعر ليكو
وبتشاركوه نفس المعاناه
انا بسهر اكتب وأفكر
وبنام زعلان
وبحاول اغير ف طباعي
وطباعكو بصراحه تحير
انا كل ما أقول مين فيكو المهتم
تطلعو وتقولو دا شكله اتغير
انا اسف ليكو علي الدوشه
والزحمه اللي عاملها معاكم
انا عايز بس افرحكم
وبحاول اعيش علي هواكم 
التعليقات
0 التعليقات

0 comments:

إرسال تعليق

نبذة عنا

Restaurants

يتم التشغيل بواسطة Blogger.

Travelling Diaries

Entertainment

Technology

Restaurants

Travelling

Entertainment

Technology

تسمية 4