الدنيا زحام
كرسى ومكسور
محتاجه لحام
خبرة دكتور
وانا واد دبور
حاسب قرصى
بالدور بالدور
هاخد فرصى
فى محطة مترو الحلمية
الخلق تملى موطيه
محتاجة أفيز
دة الوضع يغيظ
أو حتى لإجراء عمليه
الناس تعبانه مابتنامشى
وانا واقف مطرحى مش بامشى
قافل رمشى
مفتح رمشى
أهو ده التغيير اللى حقيقى
ركز فى كلامى ياصديقى
الباب متوارب حوش عينك
عفريته تجنن ملاعينك
واقفة بتتمايع فى الأوضه
وانت على الموضه الله يعينك
تقفل فى الباب تنزل تجرى
حذرتك وعلى الله أجرى
ماتبصش تانى على الشاشه
خليك وشك كله بشاشه
واربط ساعدينك بقماشه
وابدأ فى محطة جديده يابيه
إشترى يا مدام
ببريزه يابيه
الساعه اللوكس بعشره جنيه
إشترى يا مدام
ببريزه يابيه
مونولوج للبيع ولا يعلى عليه
