إعلان

الرئيسية » » إعتذار واجب | محمد محمد

إعتذار واجب | محمد محمد

Written By Unknown on الثلاثاء، 16 يونيو 2015 | 9:00 ص

إعتذار واجب

لكل اللي راح 
وكل اللي جاي 
لكل اللي مات 
وف عيونا حي 
لكل اللي كان
وأصبح مفيش
لكل اللي ساكت
وقادر يعيش
لكل حاجه فاتت
وسابت فينا ذكري
لكل اللي حبك
وأصبح بيكره
لكل اللي حب
وصدق وعود
لكل اللي سابك
وقالك هعود
لجرحي اللي بايت
بينزف دموع
لكام قصه فاتت
ناقصها الرجوع
لحبي الحقيقي
وقصايدي الكتيره
لكل اللي قالوا


خلاص فضوها سيره
لكام بنت حبت
وعايزه الحلال
واخرتها قالو
دي اصلا شمال
لكل اللي باقي
وساكن ف روحنا
لكل اللي سايب
علامه ف جروحنا
لكل السجاير
وشرب الحشيش
عشانكم بضحي
وبحاول اعيش
لكل الصحاب
وكفي اللي داب
بقابل واشوف
كتير م الكلاب
لكل الغيوم
وضوء النهار
بقدم بنفسي
عشانكو اعتذار 
التعليقات
0 التعليقات

0 comments:

إرسال تعليق

نبذة عنا

Restaurants

يتم التشغيل بواسطة Blogger.

Travelling Diaries

Entertainment

Technology

Restaurants

Travelling

Entertainment

Technology

تسمية 4