احنا الى بنعيّد هنا ... بنهنّى بعض بشات عقيم وبتاج فى صورة مزيفة فرحتنا حاجة مخففة ! احنا الى مينوبناش يدوب من كل عيد غير ركعتين ونكمّل العيد ع الشاشات ساعة ما كنا صغيرين العيد ده كان مليان حاجات العيد ده كان فى الاصل عيد ! كنت البس اللبس الجديد وانزل واسابق فى الشوارع والمّ من اهلى العيدية كنت انزل اضرب فى الصحاب بمسدسات مليانة ميه كنت اخرج العب فى الملاهى ازور قرايبى اخش سيما كان كل حاجة ليها قيمة ! العيد ده كنت بحسه عيد وبعيشه عيد واحسبله دايما من بعيد دلوقت بنعيّد فى بوست ! بنشوف جميع الناس فى بوست بنقابل الاحباب فى بوست ونكلم الاحباب فى بوست دلوقت شاشتى هى اغلب فسحتى الكحك متصور فى صورة وعيدية بدفعها فى فاتورة وصحاب يدوب ع الشاشة اسم ! دلوقت برسم فرحتى . ع الشاشة رسم دلوقت مبقاش اسمه عيد لا بخش سيما واشوف صحابى ولا حتى بلبس شئ جديد دلوقت اصبح كل شئ عن لما كنا صغيرين جدا بعيد
