تفتكر كل اللى مروا من هنا زيك
تفتكر هذى اللى كانت تعشقك
ممكن تشيلك من حبابى العين
ورموشها سنت موس
ممكن تقص الدنيا م النظره
وتسيب خيالك بس على عينها
ويجوز كمان انا مش هعيش علشان يكفى العمر تحويشة صحاب زيك
ويجوز احاول امسحك من قايمة التليفون تنفجر فيا
لايق عليك الخلد يا خالد
حظك كبير من اسمك المسكين
الله يمسيك بالجمال
انا لسه حاجز عينى عن صورتك
خوفت انفجر فى العياط
وتنول عنيا من تمام خلدك
الله يمسيه بالوجع
لسه ساند رجله فوق صدرى
ولسه ايده فى الصور مليانه دم
والحمد لله بشتكى للعدل بس
العدل مش محتاج قضاء
بس القضاء محتاج لعدل
