الرحمة قبل العدل والحكم بضمير
فما تحكميش ع الحرف قبل ما تسمعيه
وتدوبيه وتقولي عاجز او ضرير
لو كنتي فعلا منصفة يلا انصبي
جوه قلوب متلهفة حطي الميزان
صبي مشاعري كلها وانت كمان
وانا وحدي واقف جوه صف المعجبين
مستني دور انا كنت دايما فيه الاخير
وما كانش حقي يومها اني اعترض
ولا حتى اقولك وقتها من حقي اغير
واما ابتعدت عشان سعادة حضرتك
بتهزقيني بالادب وتقولي قال شاعر قدير
لو كان ده عدلك واللي يرضيكي بشرف
سميني ندل وقولي كان احقر حقير
وعشان صعيدي وف عروقي دم حر
ما قبلتش اني اعشقك زي الصنم
وتضيع رجولتي ف حضرتك تصبح عدم
لعبة ف ايديكي ما كانش من حقي القرار
وان الحياة من غيرعيونك كات دمار
وزعلتي جدا لما جيتلك قولتلك
آسف ... هاغير
