الحجل هيجيبك ورا
- حكايات كتير تستنى عمر عيال حارتنا
- لما يبدأحجلهم دوره الأخير
- أول ما يخلص مستطيل الضحك
- تدخل دومات الموت
- مبنعترفش
- إن الحقيقه المزمنه هى الهزار
- فى لعبنا بالنحل
- وإن السخافه بتبتدى
- مع بدء أول دومات الموت
- الموت أوطان بينسى لفته
- وقفة كازوزه دموع على أول الرابطه
- تودع حلمنا
- حلم الصغار المخضوضين م الوقت
- وتزرع آخر هزار
- علشان أبص فى ايد بتضحك
- وأفتكر لعب العيال بالنحل
- حكايات بتتهجى العيال
- بتسنهم بكره مركبى أو أسير
- فرحة الدور الأخير
- ف لعبنا جيزه
- بتنسى عيل مبتدىء
- بعد المسافه المشكله ف البلى تركيز النشان
- متنسنيش أبداً
- وقفة ثبات النيكل الأزرق ع الليم
- (أمى)
- بكره أمتحان ومبتزاكرش
- وفشلت ف الامل الوحيد المحتمل
- ورضيت مكوثى زيكم ع الليم
- حكايات كتير
- بتبثلى شوق العيال لي
- شوقى للرجوع عيل
- "الله"...عيال بنحلم
- نقوم نحقق حلمنا
- بصنع طياره خشب
- كيس وشوية خيط
- وتلت خشبات بربع جنيه
- وحبكه معروفه أوى
- ما بين المغرمين متنقله
- فيطير أوام حلم الطفوله
- نمسكه بشويش
- نوريه للسحب تضحك
- متبكيش وتغرق حلمنا....
