هزي النخل شوية يا خالة...
أصلأ نا صبري كان نواح...
مهري في حبك بس قوالة..
قالوا دا اصلاً واد رَمَاح
غادر الجنة علشان طيشه..
علشان شاعر نافش ريشه..
ومادام قلبه لساه طماع..
مش راح يعرف يوم يرتاح
بلحي بحبك أسمر وناح..
قاصد بَرِك وأنا سواح...
بغزل ضحك أبكار علي جيدك..
روحي تدوب من لمسة إيدك..
نص العمر فاتني وراح..
وأدي قوسي ملهش رِمَاح..
وعلشان عاشق لضحك عنيكي...
عقلي في راسي مني أهو ساح...
شد الحيل من حيلي شِدي..
جوايا مراكب تتوه علي عَدِي..
قلبي دا كان مغزول علي نولك..
ضلي خيال مفرود علي طولك..
روحي بترقص لما تردي
داري سمار العين من عيني..
لوني سمار وسماري من طيني..
أفتحي قلبك جواه خبيني..
عِدِي حياتي بأنفاسك عِدِي
قلبي نداكي إياكي تصدي
