بحـــــــــــبك .....
هالة فتحي
بحـــــــــــبك .....
دق يا قلـــبي ...
ما تخذلنـــيش
من غير حب ازاي هتعــــيش
خبي عليهم ... و اخـــدع فيهم
بس علــــيا أنا ما تخبــيش
قول بتحــــبه
و دايب شـــــوق
مش راح ألوم و لا أقــــول محقــوق
حقك
يسكن نبضــــك دقــه
تكتب شعــــر بينطق رقه
و انصــــر مره الآه على لأه
عاشق ... حتى ان بـــلا معشــوق
و ازاي يـــيجي العـــيد ما تحـــبش
و ان يـــناديك كيوبـــيد ما تـــردش
يرضيك تــــبقي قليل الـــذوق ؟
بـــــوح بالسر و قول احساسك
و افتح قلــــــبك للتنهــيد
يوم في الســـنه خد اذن جــــراحك
تسمح ليك... تتنفــس ... عــــــيد
قرب حأهمس ليك أسراري
انت يا ساكن بــــين أشعاري
يا اللي نهيت ويـــــاك مشواري
و لقيت فيك كل الاحــــلام
هات قلبك أداريه فـ عــــيوني
و اشـــتري بيك كل اللي باعـــوني
انا مش هاقــــبل غيرك ... كوني
حضنك بـــر أمان و سلام
غمض عيــــنك و ارمي همومك
و اسكن هـــــنا أحضان محرومـــك
آآآآآآه لو تقبل اني أكونـــــك
تبقى أماني من الأيــــــام
أيوه ... بحبك
أيوه بأبــــوح
بس اللـــــيله ده شئ مسمـــــوح
معقول ييجي العيد و ما أحبــــش
ازاي و انت .... ملكت الـــــروح
