حوار صامت بعد التنفيذ
ياسمين الشاذلي
حوار صامت بعد التنفيذ
بعد تنفيذها ماهددت به
نادته في خيالها وقالت له:
((سامحني انا مش عارفه اصلا اتخيل حد غيرك
انت لو مكاني هتعمل ايه؟؟؟
رد عليها بنظرة غضب ولم يلتفت لها اساسا
قالتله انا بحبك اكتر من روحي ..بحبك بجنون
بس كونك مش مقدر .. دا هيجنني اكتر
او يمكن لاني شكة فيك انك لسة علي علاقة بيها
انت اللي بتأكدلي الشعور دا
بس انا حتي لو مش هبقي ليك
عمرى ماهغلط في حقك حتي لو علي حساب نفسي
بس خليك جنبي حتي وانت بعيد
انا محتاجالك اوى اوى ارجوك
دموعها تنهار علي خديها تصرخ
انت فين ؟؟
تحاول الاتصال به تفشل
تضيء النور تري الساعه ذات البندول
تتأرجح معها الاحلام
تكتشف انها في حالة......
وانها لم ترتبط به اصلا ولم تهدد ولم تنفذ شيئا
وتكتشف انه لايزال حلما يرافقها
تراه في احلام اليقظة في المرآة
او في السحاب او في حبات المطر
يتضح لها انه ذلك الشاب المار خلف سيارتها كل صباح
تجده هو نفسه من يرافقها احلامها
