مســــــافة ...... سكه
مســــــافة ...... سكه
سكه كانت مش طويله
بس فاتت جرح مــــر
شد سطر لحـــد آخره
كان قراره هيـــبقى حر
قام و بدأ السكه تــــاني
و بيقين قــــرر يكون
قلب خالي م الأماني ... تاني ناوي ما يوم يهــــون
مد خطوه ع الطريق
بانله في السكه رفـــــيق
كنت أنـــــا بابدأ حكايتي و أنهي ماضي مـــــلاه الحريق
خطــــوتين اتقابلـــوا صدفه
بس صدفه بألف قصــــــد
في طريق ملــــيان عواصف
نسمــــتين اتحـــــدوا رعـــد
ايد بلهفــــه فـ حضن ايــد
شوق بيتـــسرسب ولــــيد
نبض كان محـــتار و تـــايه
شاف قصـــاده أمان وريـــــد
احتمـــى فـ ركن الجوانـــح
خبى نفسه في حضـــن رمش
كان حنــــّين بس جارح
صابني سهمـــه ... ما احتميـــتش
ارتويــــت ملو العروق
شمسي ضوت فـ الشــــروق
و اللي هان ع الناس بحـــالها ... جاله يوم يغلا ما هانــــش
حبل طول عمري بأمده ... و النوبادي ... ما اتقطعــــش
فجأه بان للسكه آخر
و الطريق شـــارف نهايته
بصلــي بعيون تــــودع
كان سعــــيد بـــبلوغه غايـــته
كنتي رفقــــة سكه ضلمه
صعبه ملــــيانه بـجروح
بس هونّـــــتي المسافه
كان وجـــودك ... بعث روح
هأفتكر لك ألف ذكــــرى
و ابتسم ... عطــــرك يفوح
و ألتفت و اداني ضهـــــــــره
شل حرف مــــــــناه ... يبوح
كنت ايه ؟؟؟
كنت وسط الحزن ... ضحكه
كنت جوه هدوءه ... ربكه
بين فصــــول كل الروايه
كان وجودي يا دوبه ... حبكــــه
كنت بـــــين طريقين حياته
حــــد .. يفصل ذكريــــاته
وهم اسمه .... مســــافة سكه
