سعـــــــــــــيده ؟؟؟؟؟؟
هالة فتحي
إتعـــــودت .....
أفضل أقــّرب من أحلامي برغم بعــــــيده
و أكتب 100 عـــنوان لـ روايـــتي
يجيبلي الصــــبح روايه جديــــــده
و أرسم بكره فـ وســط الصفحه
بـ نني و ضحكه و صـــــوت تنهيده
و أردم على تكســــير امـــبارح
و أقنع نفسي .... بـ إني سعــــيده
عقلي يقوللي : أيوه سعيده
يللا امسكي فـ عصايه الدنيا من وسطيها
و اذا يوم صادفك قسوة ليل عــــدي و خطيها
و ان كان جرحك عمال ينزف ... داري جراحك أو خبيها
و اضحكي ع الايام
هاوديــــــها
و الايـــــام طاوعــــتني و جريـــــت
ما عطتـــــنيش على قد ما أخدت
بس إنخــــدعت
اني ... سعــــــيده
رغم ان انا ما اعرفش حقيقي ... يقصدوا ايه لو قالوا سعاده
يمكن بسمه
جايز فرحه
او ضحكايه تكون بزيـــــــاده
دنا طــــــــــول عمري نفسي تزورني
نفسي الحزن ... ما يبقاش عـــاده
صفحه فـ قصه كتـــــير متعاده
و نسيت أفكر ... كام سنه عــــدوا على ده الحال
إن سألوني الناس عن قلبي ... يرد لساني : ما هوش بطــــال
لما اتنقش الرضا على وشي و جمله : عايشه و عال العــــــال
بس بجد
انا وقت الجـــــد
بأمسح دمعه ما شـــــافهاش حــــد
و أحسب فـ الايـــــام و أعد
و أما أتهــــــد
أكتبلي قصــــــيده
و أبقى قصاد الناس فرحـــــانه بضحكه عريضه
رغم ان انا مش عارفه حقيقي .... ان كنت ... سعــــــــــــيده
.
