إعلان

الرئيسية » » براوي | عمرو شاهين

براوي | عمرو شاهين

Written By Unknown on السبت، 14 مارس 2015 | 4:47 م


براوي
عمرو شاهين


براوي


مفتتح

ــــــــــــــــــــــــــــــــــــــــــــــــــــــــــــــــــ



اكفي على الحب اللي ساكن جوا قلبك

ميت ماجور

وارقص على الدم اللي النازف

رقصه المدبوح لعشاق الحياة

رقصه التايه في عز الكفر

لدليل الإله

يمكن تكون أول شهيد في الدنيا دى

رايح جهنم

......



كآت أول مشهد في اللعبة

كآت أول حاجه بتثبتلك انك م الناس

كآت أول حاجه بتحكيلك

عن معنى مغاير

لمعاني اللمه والصحبة وريحه الدخان

متمسك بعنادك أنت

فخسرت الورقة الكسبانه

لوتاريه عمرك خسرانه

ب تيبع الحظ بنص أفرنك

علشان ماتحسش بالوحدة

ملعونة أيديك السفلة الواطيه

ازاى تتمد ف ترسم دمعه على خدودها

ملعون السم المتخبى على طرف لسانك

ازاى تجرحها بكلمه حب

لاهو هو الحب يا واد بحروف

الحب ده خوف

ومشاعر تلسع ضهر القلب فينزف شوق

وأنت بتتعاطى حبوب الفُرقة يا واد ما تفوق

الفرصة سراب

تتمسك بيه يبقالك طوق

من تانى تعيش

طول عمرك وأنت البراوى

بتمد قلوعك بره حدود الصارى العالي

فتروح لبعيد

وتملى بتسال كل الناس

ليه أنت وحيد ؟

موحود بإرادتك وبكيفك

بتنغم صورتك مع طيفك

ف تحس الدنيا بدون مخاليق

بتمثل ليه إن أنت بريء

مشنقتك عارفه انك جاني

بتخون عشاقك مجاني

وبتطلب فوق العشق .. خضوع

كآت أول مشهد ف اللعبة

واللعبة خلاص

مش فاضل فيها محاوله كمان

ياتموت وحداني

يا تعيش موحود


التعليقات
0 التعليقات

0 comments:

إرسال تعليق

نبذة عنا

Restaurants

يتم التشغيل بواسطة Blogger.

Travelling Diaries

Entertainment

Technology

Restaurants

Travelling

Entertainment

Technology

تسمية 4