الأوله فى نبينا
أسامة سند
الأوله فى نبينا
سيدنا اللى من حر ماله
بكفوفه يتحنى بينا
بدر البدور ف اكتماله
مولى العرب والأعاجم
يهدى اللى خاب واللى جاهل
مذكور فى شتى المعاجم
علم البلاد والمجاهل
الوحى جانى على الغار
يا حديجه ما تهملينى
جبريل بسط لى الجناح غار
على رؤيتى زملينى
والوحى ايه وعلامه
من خالق الكون وافانى
بتكدبونى على ما ؟
كل اللى ع الدنيا فانى
علمنى ربى وكفانى
من بعد ما كنت أمى
مولايا حسبى كفانى
شر البلا بعد أمى
رب الفتوح والكرامات
لولاه ما كان ولد آدم
لما توفى الكرم مات
والشمس ناحت بكا دم
