بنتعب .. كلنا بنتعب ..
إبراهيم الصمدي
بنتعب .. كلنا بنتعب ..
بنقسى .. كلنا بنقسى ..
بنكدب .. كلنا بنكدب ..
بننسى .. كلنا بننسى ..
" و لا بنوصل ف يوم لطريق .. و لا بنلاقي يوم مرسى .. "
انا .. مكانتش لحظة لذة و تعدي .. كان اتجاه مرسوم و بيودي .. لطريق لا بيوقف و لا يهدي .. و انا كنت عيل لسه على قدي ..
هما .. كل اما بنقرب كان الطريق يوسع .. كل اما بنباعد كان الطريق بيضيق .. و اما المصير اتحتم .. الكل هج و طار .. دلوني عالشياطين .. مع اني كنت صديق ..
انتي .. انتي اللي فضلالي .. يا ريتني كنت لؤلؤة تلالي .. اشبط على رقبتك .. و اتحدى بيكي الموت .. و اما الهوى جواكي يصفالي .. يديني من دمك .. القاني نور و ياقوت ..
كنتي .. و مازلتي .. و هتكوني .. ملاذي ف صوتي و سكوني .. يا ريتني انتي .. يارتهم برضه يبقوا انتي .. يا ريتك تفضلي معايا ..
