" كفن سلوفان "
ياسمين الشاذلي
مرسي السفن قلبك
قلبك في بحره غرق
وع المواني نداه
أعلنت ليه الفلس
ومشاعرك الدافية تغنيكي عن حبه
مش معنى هجره انه
آخر رجال العصر
مات عندليب الحب
علي منحني الإخلاص
لما انحني قال آه..
كرباج ولاد الـ...غني علم علي ضهره
بدمه حنّا كي
وحفظتي لون الجرح علي معبد الأشواق
يا مكفنة قلبك بكفنك السلوفان
فكي عليه الغطا
خليني أتنفس من ضي أهاتك
متلخبطة من إيه؟
خرز العقاد انفرط
لا تلمي حباته
وانسي اللي فات وابتدي
من أول الصفحة
وماتسيبيش فراغات
