ممارسه
عمرو شاهين
مفتتح
انتفض
اكسر قيود خانقه بأديها بسمتك
غرق التكوين غضب
لكن ضرورى تعترف
ان البكا اول طريق للابتسام
....
مع انك لما بـــ تضحك
بــــــ يّبان السن المتلوّن
بــــــــــ اقلام البن
و بواقى العمر الملفوف ف سيجاره
بــــــ تلوّن نابك بالاصفر
وتمرر ضحكك
مع انك
لما بـــــــــــ تضحك
تكشف ستر الشمس
اللى بـــــ تخلع فى سحابها التوب
عريانه الشمس
تطل عليك
ف تطل عليها كمان
عريان
وتمارسوا الحب ف نص الشارع
من غير ما تخاف
واشمعنه الليله
قررت تمارس ف القمره
قررت تخون؟
تتخيل شمسك
بنوته
تعشقها
ف تلسوع ضهر القلب سمار
تحرقلك جلدك
تتشوه
تتلون تانى بــــ لون الأرض
وتوه ف الزحمه
تتعامل ويا الخلق كانك مذنب
مسجون ف الشمس
