خلاص هانت (( أغنية لمصر ))
أحمد عبد العزيز
خلاص هانت
واهي شِده وبكره تزول
خلاص هانت
هتتعدل أكيد على طول
وترجع مصر من تاني
خَضَار وعمار
بفضل الحب وولادها
من الثوار
خلاص هانت
وكانت بس قرصه ودن
لكل اللي بينهبها
ولا بيونّ
خلاص هانت
واهي شِده وبكره تزول
خلاص هانت
هتتعدل أكيد على طول
خلاص هانت
وراح نفرح شباب وكبار
ونهتف مصرنا عادت
بلاد أحرار
بيحكمها اللي نختاره
ملوش حاشيه وأنصاره
هيبقوا شباب وجيل واعي
على خيرها أكيد ساعي
وليها فى الصلاة داعي
تعود دايماً كما كانت
أصيله ما عمرها اتهانت
وبيغني لها المواويل
وهيردد معاه النيل
خلاص هانت
واهي شِده وبكره تزول
خلاص هانت
هتتعدل أكيد على طول
خلاص هانت
يابلدي قومي واتوضي
وصلي ركعتين فى الليل
ويلا دقي أجراسك
معانا وابدئي الترتيل
أصيله يا مصر وشبابك
جميل وأصيل
بيتباهي بأمجادك
وجيل ورا جيل
بيحلف إنها هانت
بألف دليل
خلاص هانت
أهي شدة وبكره تزول
خلاص هانت
هتتعدّل أكيد على طول
