ننجرح
ضياء الرحمن ضياء
ننجرح
ننجرح نسكت
ف ننجرح تانى
نضحك على روحنا
و نقول دى طيبة قلب
مع إننا عارفين
ف زمانا دوة صعب
إنك تصادف حد
يعرف حقيقى يحب
نكدب على نفسنا
نكدب و نتجمل
و نقول هنتحمل
و القصة هتكمل
مع إنه مش باين ف ننجرح تانى
.................
ما ننجرح تالت
أو ننجرح مليون
الدنيا إيه أصلاً
غير فرحه وسط شجون ؟!
و بكره..بمجايبه
مين يعرف إيه جايبه ؟!
إن كان سما بنضحك
ولا غضب و غيوم
دا الحب لو لحظه
العمر ليها يهون
ف ننجرح تالت
أو ننجرح مليون
