يـــــا خـــــــــال عبدالرحمن
منصور محمد حسين
عن الخال الابنودي
يـــــا خـــــــــال عبدالرحمن
ربنا يرحمك يا خال عبدالرحمن
بفراقك قطعت القلب كمان
مش كفايا هم الغربه
ع الاهل والجيران
ولا ملوحة الترعه
اللي بتقتل في الصبيان
طيب هنلقوها من فين
يا خال عبدالرحمن
واهو صعيدنا بيبكي
راحوا منه الجدعان
ولاحد هيصبرنا
ولا حد هيقف في ظهرنا
بعدك يا خال عبدالرحمن
يا خال عبدالرحمن
مين هيخبر يمنه
برحيلك عن الخلان
لساه هي مصدقه
انك قاعد جنب الدكان
لساه هي مصدقه
انك بتراعي الفدان
يا خال عبدالرحمن
مين هيصدق بعد رحيلك
انه الدنيا هدوم للفلان او علان
مين هيصدق انه الشعر بعد رحيلك
هيطلعله لسان
لسه الخوف محاصر جوفنه
لسه الزعقه مبتطلعش ما بين لحيطان
لسه الطيبه عايشه في بيتنا
ولسه زمانه بيقول ع الطيب
انه جبان وانه جعان
ربنا يرحمك يا خال عبدالرحمن
فاكر فاطنة هي جوزها
لما كانوا في وسط الغيط
مين هيلملم فاطنه
بعد رحيلك بعنا البيت
مين هيواسي الفقره في غلبهم
ولا يطبطب علي جرح صعيدي
لما يقول في وقت الشدة انا حنيت
فاكر مسعد واللي جراله
لما سافر وهجر البيت
امه يا خال لسه مستنيه
علي عتبة البيت
امه يا خال متعرفش
انه مسعد بعتلها جواب
وقالها فيه انا طافش وهجيت
مين هيرجع مسعد بعد رحيلك
ولا صوت فاطنه لما تقول انت اتغديت
ربنا يرحمك يا خال عبدالرحمن
كتير بقعد مع نفسي
واقول ياريت ربي
ياخد حد من الفاشلين
ويخليك لينا تنورنا
يردوا يقولوا دي حكمت المولي
ولا هتكفر ...اياك تكون حد من الكافرين
هو حد في الصعيد علمك تكون جاحد
اياك تكون حد من الجاحدين
وتنكر نعمة الواحد
يا ولدي الدنيا فراق ورحيل
مهيش دايمه دا كلنا لله راجعين
مفيش غيره هينصفنا
بس اللي عمله زين
متنساش يا ولدي تطل علي امك
متنساش عمامك
وهما بياخدوا العزه في بيت جدك
متنساش يا ولدي كلام ستك
حفرته زين في دماغك
واوعاك يا ياولدي تبقي زي ابوك
ما طول عمره بيركب دماغه
ما هي ساقيه ودوارة بتتوارث
يمر العمر نتحدت ونتوارث
دا خلق عايشه فيها وخلاص
تقول خرفان
ربنا يا ولدي يرحمنا
ويرحمك يا خال عبدالرحمن
__________
من فن العدودة
الشاعر منصور محمد حسين
...........................
احنا وراك يا خال دقناها
مر ومرار يا خال شربناها
احنا وراك يا خال ش لله يا لامانه
.مر وعذاب يا خال شفناها
........
الجدع الزين تدمعله العين
تبكي عليه المغنوتيه والبنتين
الجدع الزين نفرشله الاراضي
راجل وكلمته سيف علي الاعادي
..................
روحوا للحكيم يا ناس وقلوله
جدع زين وبدلوله هدومه
روحوا للحكيم يا ناس يكشفله
جدع زين ومين يا نا س زيه
.................
امانه يا خاله شفي خليفته
بنات زينات وطرحت ليفته
امانه يا خاله شفي خليفته
بنات طيبات وقلتلتهم شفته
......................
طلعوا يا ناس الجبل وفاتوني
ع الاسمعليه راحوا ونسيوني
طلعوا يا ناس الجبل صفين
والدمع علي الخد مرصوص صفين
,,,,,,,,,,,,,,,,
كتبوا الشعر كتبت انا شعري
قالوا فين اللي علمك قلت رحل بدري
كتبت الشعر والقافية خانتني
يا مين يصحح الرؤي تعبتني
