عارفه يا خاله
منصور محمد حسين
عارفه يا خاله
شكله زي ما قلتي زمان
كلام الشعر يا وليدي معينفعش
سيبك منه واوعي لنفسك
واوعي لبيتك ربي عيالك
دا الضني لو راح معيرجعش
بص يا وليدي لعمامك ولا لخوالك
هي الناس للناس بس انت صغير معتفهمش
عارفه يا خاله
كنت بتقطع لما قالولي
دا خالتك ماتت
خالتك اخر كلمه قالتلها
انك تاخد بالك من عيالك
خالتك اخر كلمتها قلتلها
ربنا يا وليدي يصلحلك حالك
خالتك ماتت كان نفسها يا وليدي
تشوف بناتك
خالتك عرفت انك خلفت واد
سميته يا واد مين
اوعي يطلع زيك زير
ما أنت كمان جلعان من يومك
فاكر لبني ..وفاكر هند
فاكر لما ضربت اخوها أمير
خالتك كانت تضحك دايما
وانت بتهزر دا انت خطير
اه لو جابوا سيرة واحده جميله قدامك
كنت تفط وتجري تطير
كنت بتسمع كل كلامها
كنت بتفهم ايه عايزه
من طرف لسانها
خالتك ماتت وانت لسه معتفهمش
انه اللي مات يا وليدي معيرجعش
