تغني وإيه يمنع
محمد الحمامي
تغني
وإيه يمنع
فقولي والقُليب يسْمَع
هنجمع م البحور صدفات
ويتجلّي النهار يدْمَع
وتتسلّي الليالي حِسّان
وتتلون م الخدود ألوان
وتتجَمْع كما السكر
وتكون ريق
وأغازلك بوردة وهتمَسْمَر
كأني طريق
وكف الأيد
يزيد باعين
وشوق في القلب يملّي العين
ضلوعي سَدين
يصدوكي
متتمانعيش
لـ أنفاسي...
يشدوكي
فـ أرمي صَدفِك علي ودعي
وقولي يا رب وأنا هَدعِي
أقول مولاتي
تقولي جدعِي
يا ماسكة الدفة والتارة
وشادة الخيط بسنارة
أنا دايب في فنجالك
وحتي الريح كمان جالك
يهِز الدنيا بإشارة
