و من قلبي حأقول
هالة فتحي
و من قلبي حأقول و اكتب
انا ما بقيتش باستوعب
فيه ايه جواه شاددني ليه
و ليه الشوق حادفني عليه
و لما باشوفه .. باتكهرب
و الاقي نفسي فرحانه
و من كلمه بادوب و اسهر
و اقلب ف الحروف ياما
و الاقي معنى بيفسر
و اهدي النبض لما يفوت
و اعلم قلمي يبقى كيوت
و ارسم بين ملامحي خيوط
تلملم .. عشق .. متبعتر
و اداري م السطور ناري
و اقول لو بس كان .. داري
ايه ذنب القلب لو شاري
انا عاسقه .. و مش ب اذنب
و باكتب
و الله من قلبي
و مش باكدب
