مصطفي محمود
سينجل
أنا عايش سينجل و تمام
ولا شاغل بالي بهدايا
ولا بتكلم قبل ما أنام
مريح نفسي و دماغي
و من واحدة تقول تعالالي
أو مرة تقولي يا بيبي
أو مثلاً تقولي يا كوكو !
و ساعتها أنا هبقي زهقان
و هشمع وشها بالدوكو
رصيدي معايا مبيروحش
و بشحن علي قد القد
ده عشان مدخلش فـ علاقه
أسيب و أتساب ..
و دموعي تنزل علي الخد
ولا أوجع قلبي بكلام
بلاش تسيبي ..
و بلاش أسيب ..
و أرجع فـ الأخر تعبان
حبيت واحدة فـ مرة
كانت فاظة مش وردة
أقولها كلمتين حلوين
مشاعرها هيا هيا باردة
ده حتي عندها حرف الـ ر
مش ناسي لما كُنت فـ كرب
أقول فُكها تقولي " ياوب "
و صحابها ماشالله عليهم
بيجيبوا الفقر و النحس ..
فـ الحاجه إللي تجيب رجليهم
معلش يا حبيبتي ..
البيعه كدة كدة خسرانه
أنا عايش سينجل و براحتي
و مش عايز أدخل فـ علاقه !
