نتيجة
ياسمين الشاذلي
مش قولتلك
رهانه عليها مش خسران
لكن رهانها مستني نتيجته تبان
فضلت تزن فوق راسها تآمنلك
قعدت تزود التفاصيل
تعلق قلبها الدايب رومانسية في حلق قلبك
فرشتلها الطريق بالورد
لضمتلها الخيوط الدايبة بعيونك
قويت قلبها بحبك
وسحرولك بكتر كلام بيسرقها
مش قولتلك
الزن عالودان بيضيع الحلقان
مش قولتلك
انا واثقة رهانك فيها مش خيبان
مراهنة كل شيء حواليك
تراب الارض
زحام الضهر
دم الغلابة المجروحين بالقهر
مراهنة عليك مراياتها وحكاياتها
وخطواتها اللي راسماها بضي عنيك
نتيجتك جاية معكوسة وبتهرب ليه
مفيش فارق كتير هيبان
متستغربش عشان حباك
مش عايزة من الوجود الاك
تكون طيب
وكالعادة ملاك احلام