زقزقة
ياسمين الشاذلي
زي اى اتنين بيصحوا
عصفورين حرين جمال
بيقابلها بابتسامة
لو تقابله بالدلال
يغزلوا من الصبح نسمة
تروى للعشاق جبال
دوب .. يدوبوا لو قلوب الناس
بتغمز لما دقاتهم تزقزق
يعزفوا اجابات حنونة
يطمنوا قلب السؤال
ياكمانجا
ياعنيها ياكمانجا
ياحبيبها ياوتر في القلب صابها
ياعصافير المحبة
زقزقات الشوق وصال
ياليالي
يا ندا في قلب اللي خالي
يا شجن بيحن للذكرى
في مراية..
وعجز متقل الاحمال
يا بلادي
ياه وياه وياه وياه
يابريئة في غابة سموها الحياة
يا حبيبتي قلبي متقطع عليكي
والي جاى في بكرة فيه الف احتمال
ياصحابي
في الميدان
هزوا اركان الزمان
اخلعوا الضرس اللي سوس
طيبوا خاطر العيال
يا صحابي في البيوت
صوتكوا حر انسوا خوف من اى ضر
خوفكوا خيط من عنكبوت
وهم يتقطع في لحظة
لو هزمتوا الانعزال
يا هتاف بيدوي في خيالي
صوت شبابك يابلادي زقزقات
ياعصافير العروبة
زقزقزقات الشوق وصال
