غُض قلبك
صفاء أحمد صبيحة
غُض قلبك
واستعين بالدمع
واصبر
رتل
في آخر نص
كان مكتوب عشانها
وافتكر
آخر مكالمه كات مابينكم
قولتوا ايه
بالصمت
طلع ..
صورتها الدايبه بين ضلوع المحفظه
غمض عينيها ..وقولها
ازاي بقت ..اكبر دليل
على ضر مسّك ..ما انكشف
ازاي بقيت تشبه لها
وبقيت تأول
كل لحظه ف صحوك المشبوه وتحلم
انها
ممكن
تعود
صدقت ليه ان السفر
مش قصده بٌعد
وان الشتا
ف الأصل تنهيدة رصيف
صدقت ليه ان الحواري اللي استحت منكم ليلتها
جهزت روحها لفراقكم فانتحر
فرح البيوت
كان المطر
عامل مساعد ف الحدث
دمعها العطشان لإيدك
جسمها البردان بشده
ضعفها الماثل أمامك
كانوا السبب ف الحضن
و..
مش هكمل ..
ابتدى المشهد هنا.
