12 الا خمسة
ياسمين الشاذلي
قبل الساعة ماتيجي 12
قولت اقولك حلم سعيد
يمكن جوا الحلم تلاقي
روحي في روحك
ايد في الايد
يمكن خطوة تقرب مني
وتملس بالشوق علي شعري
علي كتفي بحب تطبطبلي
والبس قلبك لبس جديد
واتحكم في هواك ومشاعرك
واقدر اداوى جروحك وجعك
وابقي لقلبك ليلة العيد
واتمرر سحابات علي ليلك
واكون في ظلامك قنديلك
لو تبعد يوم يبقي كبيرك
تحلم بس ان احنا بعيد
نغرق في البلالين الحمرا
قلبي عشانك شمع السهرة
ويدوب الشمع ويثبتلك
عمر لقانا ماكان يوم صدفة
احنا الاتنين اصل لواحد
واتقسمنا نكمل فكرة
