مربعات
ضياء الرحمن ضياء
اية الدوا يعمل و النفس اصل الداء
غيرة و محبة تملك خباثة و استعلاء
اللى تهابة تنافقةو اللى يخافك اكيد
ملهش اى عزاء
.....................................
قلبك قليل النظر مش ستة على ستة
يا اللى انت اصلك روح و متحامى ف الجتة
فى بلاد بلعها البحر و لما كلها السمك
مافضلش من اسمها فتفوتة او حتة
........................................
طاووس و مش همك
و الطين نسيج دمك
فرحان بنفسك لية
و الرحلة ف اخرها الارض هتضمك
.......................................
يا اعقل العقلاء
يا حفنة من اشلاء
ازاى هتمسك سما
و بناها كلة هواء
....................................
نفسك خروج ودخول
عنة انت مش مسؤل
و كتير بياخدك غرورك
ف تهندس المجهول
..................................
تراب يورث تراب
زيف الحياة الكداب
طمع ينسى حقيقة
ان اللى راحل هيرحل
و متاعة راح يتساب
