النهاردة
النهاردة الجو برد
كلة مكلفت ولابس
الشتا شمر هدومة
ماشى وسط الخلق هايص
الدفا اصبح اشاعة
صوتة هامس بين عجايز
المطر اعلن وجودة
و الربيع رافض يقايس
النهاردة الجو حر
الشتا دفيان ونايم
الجواكت منشورين
و الهوا شايل نسايم
الاحبة ف كلمتين
ورد مالى الكون جناين
النهاردة يوم عجيب
كل لحظة فى بحال
احتمل مليون اجابة
كلهم رد لسؤال
حد شاف من زاوية عكسك
حبها ولا خاف و قال
انت ممكن شئ يناسبك
و عند غيرك احتمال
