ابتسم
نادية مدني
ابتسِم
يمكن الدنيا الحزينة
مش ناقصها الا ابتسامتَك
يمكن العمر اللي تايه
منّي لُه مدّة طويلة
يحيا تاني في بِشر صورتك
يمكن الفُرقة
ووحدة الأيام
وصورتي
اللي ليها فترة قدّامي
وما باعرفهاش
تصالح قلبي تاني
وتفتكرني يوم ما تفرح
افرح انتَ
باحب روح البهجة فيك
بارتاح لِلَمْحِة وشّك الطيّب قبالي
بيهدا بالي
لما احسّ إن انتَ مطّمن
رغم كل اللي حوالينا يخوّف
روح التفاؤل فيك بتغلب
والعيون الحايرة في الدنيا وما فيها
تلاقي مَرساها
لما بتقابل ملامحك
مش باقول لك؟
كفاية عليّا إنتَ
تبتسم لي
